أثارت الفنانة ملك زاهر، حالة من القلق لدى قطاع كبير من محبيها خلال الساعات القليلة الماضية، وذلك بعدما كشفت عن تعرضها لوعكة صحية مفاجئة.
وشاركت ملك زاهر، عبر حسابها على «إنستجرام» صورة من داخل المستشفى، وعلقت عليها قائلة: « طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر ولما كنت بحب انزل حاجة سلبية كنت باخدها بهزار وبنزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة واحنا مش عايشين وايه كل اللي انتو فيه».
وأضافت ملك زاهر: «حاسة أن في الناس بصة على أتفه الحاجات اللي ممكن تكون عندي بتبسطني زي مثلا أني أنزل أروح الجيم أو أخرج مع صحابي أو يكون شكلي حلو وأنا رايحة ايفنت معين حبيت».
وتابعت ملك زاهر: «بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل».
وأردفت: «من ساعتها مش عارفة أنزل أو حد يشوفني باللي أنا فيه ده ونفسيتي وحشة أوي أنا بحكي الكلام ده عشان تعرفوا بس إن حياتي فيها الحلو والوحش والله زي أي حد بس أنا بحب دايما أشير الحلو بس و غالبا ده غلط فقررت أشارككم كمان الوحش».
واستكملت: «ومع أن اللي بيحصلي دلوقتي أنا بحمد ربنا عليه و عارفة إنه بإذن الله هيكون حاجة بسيطة و إن شاء الله هاخف، وكله هايكون تمام بس هو مخلي نفسيتي وحشة أوي حقيقي كل اللي طالباه إنكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن ٢٠% من حياته و وادعولي أخف بسرعة شكرا».