شريف منير.. تصدرت الفنان شريف منير تريند منصات التواصل الاجتماعي خلال الساعات الماضية، وذلك بعدما نشر فيديو من عقد قران ابنته.
وجه الفنان شريف منير رسالة مؤثرة لزوج ابنته أسما شريف منير، عبر حسابه الرسمي على موقع تبادل الصور والفيديوهات إنستجرام، أوصاه فيها بالاهتمام بها ورعايتها، مشددًا على مدى قربها منه، وقال شريف منير، خلال الفيديو، : «أسما تعبت وكافحت ووقفت جنبي في مراحل كتير من حياتي.. أنا باعتبرها أم ليا، هي اللي بترشدني وتظبط لي حياتي. نفسي أحمد ياخد باله منها ويكون حنين عليها ومحتويها، مش طالب منه حاجة غير كده. في يوم من الأيام أنا ممكن أمشي.. وعايز أبقى مطمن عليها».
وعلق على الفيديو قائلًا: «ألف مبروك يا حبيبتى ربنا يهنيكى ويسعدك».
وإعلنت أسما شريف منير عن زواجها بشكل مفاجئ، حيث نشرت عبر حسابها على «إنستجرام» منشورًا أعربت فيه عن سعادتها بهذا القرار، وكتبت: «أنا الحمد لله اتجوزت.. القرار ده جه بعد رحلة طويلة قضيتها مع نفسي، تعلمت فيها حاجات كتير وخدت قرارات كبيرة. فهمت أنا مين وعايزة إيه، إيه المهم في الجواز وإيه اللي مش مهم، وإيه اللي يستاهل المجهود».
وأضافت: «دعيت ربنا كتير إنه يعوضني على صبري، وكنت دايمًا بقول: يا رب اختار لي ولا تخيرني. توكلت عليه تمامًا في القرار ده، وكنت متأكدة إن ربنا هيرزقني بالخير، لأني مريت بفترة صعبة جدًا على المستوى النفسي، وكنت بحاول أحافظ على نفسي وأرضي ربنا، لحد ما جه الوقت اللي حسيت فيه إن ربنا استجاب».